林作疑似被裕美斷正凌晨與客人「裸聊」　為傾生意搏到盡露兩點

被網民稱為「抽水王」的林作，向來有水就抽，懶理他人目光，非常得戚！不過最近就疑似被裕美斷正與客人「裸聊」，罕有露出狼狽的一面。今日（18/8）林作就在社交媒體上載一條影片，當中見到他一邊沖涼一邊拎起電話說道：「咁沖緊涼都要覆你㗎嘛，你最緊要呀嘛，你重要啲定係沖涼重要啲，梗係你啦，咁頭先個問題你應該明啦。」

整個過程疑似被女友裕美拍了下來，對話完畢後，而林作望向鏡頭時，疑因為自己的舉動被人記錄感到意外，所以神情略顯呆滯，非常好笑！林作就在帖文中解釋：「客戶聽到水聲『專心沖涼』凌晨兩點，依然係咁覆舊客戶及新客戶。冇計，辛苦命。」而網民就笑言：「呢個露點宣傳片夠曬有gimmick（噱頭）」、「你唔影全身點知你係咪真係沖涼呀?」、「正宗裸聊」。

點擊下圖看更多上述圖片：

林作2015年開始走入大家眼球　重溫七年以嚟佢嘅經典事跡

延伸閱讀：

陳智燊拍片呻英國物價高昂　每日如廁會感歎：我哋香港真係好幸福

Tyson Yoshi更衣室換衫慘遭偷拍　爆粗怒插要求健身室嚴肅跟進

文章授權轉載自《香港01》。